اتصل على السعودية باي وقت ولاي مدة بـ 60 دولار بالسنة فقط!!!

 

السلام عليكم،

 

هذي الطريقة مفيدة جدا للي يكلمون السعودية كثييييير...

خصوصا للي معهم زوجاتهم<<< معليش يا بنات لا احد يزعل علي..

صراحة سمعت بعض الشباب يقولون لي طلعت فاتورة الجوال اكثر من 1000 دولار!!<<< طبعا من مكالمات الزوجة المصونة

 

ندخل للموضوع... صحيح اني كاتب 60 دولار بالسنة.. لكن فعليا تكلف اكثر...

 

و قبل ما نبدأ... لا احد يدقق على كتابة الموضوع... لغة عامية على عربي فصحى...<< عارفين الحين ما اعرف اكتب الا بالانجليزي

 

الطريقة بشكل مختصر:

1-  انك راح تقدر تكلم من جوالك الامريكي على رقم معين (رقم امريكيSkype line )...

2-  وهذا الرقم راح يشبك على خط بيتك في السعودية...

3-  وعن طريق خط بيتك بالسعودية.. تقدر انك تسوي مكالمات داخلية (كانك تكلم من بيتك)... وراح يظهر رقم بيتك عند المستقبل... حركااااااات

 

 

يعني عشان تسوي اي مكالمة... تكلم على رقم امريكي... ويفتح لك خط بيتك.. بعدين تدخل الرقم الي تبغى تكلم عليه (رقم ثابت او جوال).

 

ونفس الشيء ممكن تستخدم الطريقة هذي في دول ثانية غير امريكا وهي ( استراليا، البرازيل، الصين، تشيلي، الدنمارك، ايستونيا، فنلندا، فرنسا، المانيا، هونج كونج، ايرلندا، اليابان، المكسيك، نيوزلندا، بولندا، رومانيا، السويد، سويسرا، انجلترا، بالاضافة الى امريكا)

 

 

التكلفة الحقيقة لهذة الطريقة هي:

1-  60 دولار سنويا.. قيمة الخط الامريكي الي راح تستخدمه لهذي المكالمات (خط سكايب)

2-  فاتورة تلفون بيتك في السعودية <<< والي راح يستخدم خط بيت اهله مثلي... الفاتورة عل ابوك..

3-  قيمة اشتراك الانترنت (DSL) في بيتكم <<< ونفس الشيء اذا تستخدم انترنت اهلك... الله يخلي الوالد

4-  60 دولار قيمة جهاز (D-Link USB Phone Adapter DPH-50U) وهذي تدفعها مرة وحده بس.

 

يعني مثلا بحالتي... في الاساس فيه انترنت في بيتنا.. واستخدم تلفون اهلي... يعني ادفع بس قيمة الخط الامريكي (60 دولار)

 

وصفاوة الخط... غالبا متازة.. اصفى من الكروت مسبقة الدفع... على حسب صفاوة شبكة (Skype)... مع العلم ان سرعة الانترنت في بيتنا 256 Mbps...

واذا كان فيه احد يستخدم النت بالبيت تقل صفاوة الخط!!

 

الاشياء الي تحتاجه لعمل هذي الطريقة:

1-  خط تلفون بالسعودية... مثلا خط بيتك.

2-  شبكة انترنت (DSL) في مكان تواجد هذا الخط ( في بيتك)... اقل سرعة 256 Mbps.

3-  جهاز كمبيوتر.. مشبوك بالانترنت (يكون شغال 24 ساعة).

4-  جهاز (D-Link USB Phone Adapter DPH-50U) يتم شبكه بجهاز الكمبيوتر.

5-  خط Skype.

 

الاعدادات.. تقوم بها مرة واحدة فقط

اولا: شراء جهاز D-Link

اول شيء مطلوب منك انك تشتري جهاز D-Link USB Phone Adapter DPH-50U.

 

وهذا الجهاز قيمته اذا اشتريته من موقع سكايب (Skype) بيكلفك 70 دولار مع الشحن:

http://us.accessories.skype.com/servlet/ControllerServlet?Action=DisplayPage&Env=BASE&Locale=en_US&SiteID=skype&id=ProductDetailsPage&productID=66159900

اذا اشتريت الجهاز ارسله للسعودية

 

وراح اشوفلكم محل يبيعه بالسعودية.. بس عطوني كم يوم

 

ثانيا:  الاشتراك بخدمة سكايب

اشترك بخدمة سكايب وسولك حساب معهم.. وعشان تسوي حساب لازم تنزل البرنامج عن طريق الموقع هذا:

http://www.skype.com/download/skype/windows/downloading.html

 

وخلال عملية التنصيب... راح يطلب منك انك تنشيء حساب جديد او انك تدخل رقم حسابك... طبعا انت راح تنشيء حساب جديد.

 

ثالثا: شراء خط امريكي (SkypeIn)

بعد ما تسوي لك حساب بالسكايب... اشتري لك رقم خاص امريكي(SkypeIn) لهذا الحساب عن طريق الوصله هذي:

http://www.skype.com/products/skypein/

وهذا راح يكلفك 60 دولار سنويا.. يعني 5 دولار بالشهر!!

 

واذا كنت باحد الدول هذي: ( استراليا، البرازيل، الصين، تشيلي، الدنمارك، ايستونيا، فنلندا، فرنسا، المانيا، هونج كونج، ايرلندا، اليابان، المكسيك، نيوزلندا، بولندا، رومانيا، السويد، سويسرا، انجلترا)

اشتر خط (SkypeIn) من دولتك

 

رابعا: توصيل جهاز D-Link  بالكمبيوتر.. الي بالسعودية

هذي الخطوة طويله شوي... وهي موجودة بالتفصيل في "كتاب المستخدم" المرفق مع الجهاز... على العموم هذي هي الطريقة:

1-

دخل "السي دي الي يجي مع الجهاز" بالكمبيوتر (الي بالسعودية).

 

2-

اذ كان برنامج السكايب غير موجود بالكمبيوتر.. نزله عن طريق الخيار هذا"Install Skype".. و خلال عملية التنصيب دخل حسابك بالسكايب.

 

3-

بعد تنصيب برنامج سكايب..او اذا كان البرنامج موجود في الاصل... اختر الخيار هذا... لتعريف جهاز  D-Link.

 

 

4-

بعدين اختر موافق على كل شيء يطلع قدامك الين يطلب منك انك تشبك جهاز D-Link.

 

 

5-

اضغط "OK" واشبك جهاز D-Link بالكمبيوتر... بعد كذا راح تظهرلك النافذة هذي:

 

6-

اختر الخيار الاول بعدين "Next"... وبعد كذا راح تطلع لك نافذة ثانية... اختر"Finish".

 

7-

بعد كذا راح تطلع لك نافذة ثانية زي الي فوق... اختر الخيار الاول بعدين "Next"...

 

8-

و بعد كذا راح تطلع لك النافذه هذي.. اختر "Continue Anyway"

 

 

9-

و بعد كذا راح تطلع لك النافذه هذي.. اختر الخيار الاول و موافق.... وبعد كذا راح تطلع لك نافذه ثانية اختر"Finish".

 

 

خامسا:

اشبك خط تلفون بيتك بجهاز D-Link بالفتحة الي مكتوب عليها "LINE".

 

 

سادسا: تشغيل برنامج جهاز D-Link

افتح برنامج جهاز  .

Start > All Programs > D-Link Skype USB Phone Adapter > DPH-50U Utility

 

و اذا طلعتلك نافذة اختر الخيار الاول و "OK".

 

 

 

سابعا: تحويل خط السكايب (الخط الامريكي) الى خط البيت

اضغط كلك يمين على ايقونة البرنامج جهاز D-Link.... بعدين اختر "Configure"

 

الحالة الاولى: لضبط الاتصال بدون رقم سري

اختر خيار "Call forwarding"..

و حط علامة صح على "Call Forward"

و لا تحط علامة صح على "Tall Bypass"

 

 

1-  عدد الرنات قبل ما يحولك الجهاز على خط بيتك.. دخل 0.

2-  دخل فاصلة ","..

     الا اذا كنت شابك جهازك بخط سنترال.. ولازم تدخل رقم عشان يفتح لك الخط.. مثلا 9... في هذي الحاله دخل رقم 9 في الخانة.

 

و دخل اي اربعة ارقام بخانة الرقم السري. (لانك ما راح تستخدمه)

 

واضغط موافق.

الي ما يبغى يحط رقم سري... خلاص انتهينا من اعداد الجهاز

 

 

الحالة الثانية: لضبط الاتصال برقم سري

او اذا كنت تبغى تستخدم الرقم السري.. وهذا بيخلي طريقة المكالمة اصعب شوي.. اتبع التعليمات هذي:

اختر خيار "Call forwarding"..

ولا تحط علامة صح على "Call Forward"

و لكن حط علامة صح على "Tall Bypass"

 و دخل رقم سري مكون من اربعة خانات الى ثمانية خانات.

 

واضغط موافق.

خلاص الحين انتهينا من اعداد الجهاز

 

 

 

 

الاتصال بالسعودية

 

الحالة الاولى: الاتصال بدون رقم سري

الحين باي وقت اتصل من جوالك على رقم السكايب (الرقم الامريكي الي اشتريته) وراح يشبك على خط بيتك... دخل رقم التلفون الي تبغى تتصل عليه بالسعودية (مثلا 0555555555)

 

الحالة الثانية: الاتصال برقم سري

وللي ضبط الجهاز للاستخدام بالرقم السري.. اول ما تتصل رح تسمع دقة غريبة.. دخل الرقم السري بعدين نجمة بعدين الرقم الي تبغى تتصل فيه بعدين نجمة

 

مثلا اذا كنت تبغى تتصل على الجوال هذا 0555555555 و كان الرقم السري الي دخلته 1111. في هذي الحالة تتصل على رقم السكايب وبعدين راح تسمع دقة غريبة.. دخل الرقم هذا: (من اليسار لليمين)

*0555555555*1111

 

 

 

 

 

وفيه خيار ثاني انك ما تشتري رقم امريكي للسكايب.. في هذي الحاله لازم تتطلع لك حساب سكايب ثاني وتستخدمه في كمبيوترك الي في امريكا... وتتصل على حساب السكايب الي بالسعودية وراح يشبكلك على خط بيتك... (في هذي الحالة ما تقدر تكلم من جوالك.. يعني لازم تستخدم كمبيوترك الي امريكا)

 

 

طبعا ممكن تستخدم هذا الجهاز باي مكان غير السعودية.. يعني مثلا الاماراتيين يقدرون يستخدمونه اذا ركبوا الجهاز بالامارات... والكويتين بالكويت... الخ

 

استخدامات اخرى للجهاز

 

بالاضافة الى انه يمكن انك تستخدم الجهاز هذا باستخدامات ثانية، مثلا تقدر تشبك فيه جهاز تلفون عادي بحيث انه يستخدمونه اهلك بالسعودية للاتصال عليك بامريكا.. وتحسب تكلفة الدقيقة بـ 2 سنت.

ايضا يمكن انك تضبط الجهاز بحيث انه يحول اي مكالمة جاية لتلفون بيتك الى جوالك في امريكا.. وبهذي الحالة راح تحسب عليك انت المكالمة ايضا بـ 2 سنت بالدقيقة.

 

 

اخوكم،

عبدالسلام الدريبي

al_duraibi@hotmail.com